每週熱話
eBayer兼任銷售助理 月入過萬
網上購物好簡單，相信人人試過。但要在網上銷售，則要花頗長時間替貨品拍照、寫介紹、才可將貨品上載，對於新手，的確麻煩兼有難度。
有見及此，eBay推出了銷售助理服務，幫你全程跟足拍賣流程，由上載貨品到收錢、寄貨都幫你負責。eBay銷售助理呢個新行業可以話係新潮拍賣官，有唔少賣開eBayer都會兼任埋eBay銷售助理，因為所花時間差唔多，仲增加收入，好似eBayerWilson兼任銷售助理，每月平均搵多成萬蚊。想知eBay銷售助理做乜，就等Wilson介紹一下。
eBay銷售助理工作範圍？
Q：《交易通》 W：Wilson
W：做銷售助理即係幫人將貨品放上eBay拍賣，要同件貨品影相、上載貨品、答問題、收錢同交收。想搵銷售助理人，上香港eBay就會搵到已登記銷售助理名單，現時香港eBay約有48個銷售助理。當有人搵我，就要開會見面，睇個客想賣乜，如果決定幫佢手，就要記低貨品數量、度尺寸、傾人工等，亦要簽合約。試過有個客間廠幫政府做開街邊大垃圾桶，佢想將呢垃圾桶賣去美國，但我覺得件貨太大好難賣，郵費亦要超過2千，所以我拒絕呢個工作。
當件貨放上去賣之後，成日會有人問問題，而拍賣網站人最大路問題都係圍繞尺寸、郵費、寄唔寄去當地等。雖然件貨keep客邊，但我第一次同個客見面時，就要晒所有有關貨品資料，亦要度晒貨品尺寸。除非係同電子產品有關問題，例如邊產品支唔支援電腦，咁我就要用電郵問番個客，由佢去解答。我每星期總結一次賣出幾多貨，再叫客人執貨畀我，由我寄畀勝出拍賣人，而我一星期大約要寄2百件貨。
如何入行？
W：想做銷售助理人一定要係做開拍賣eBay賣家，最少有100個正面評分，仲要過去3個月每月平均賣出4件貨品，同埋擁有最少97%正面評價，就可以上eBay免費登記做銷售助理，然後等想賣人搵我。例如我家幫緊兩個客做銷售助理，一間係內地製衣廠；另一間係深水電子用品零售店。間製衣廠專做成熟女裝，佢貨尾香港賣唔晒，我就會將貨賣去南半球如澳洲等地方，因為邊開季，銷量會較好。
我睇好呢行前景，因為好多大陸廠都想將貨品用網上銷售途徑賣去外國，但佢英文一般，較難用文字形容到件貨，而普遍外國人亦唔鍾意幫襯中國eBay賣家，覺得唔可信，所以家好多大陸賣家傾向搵香港人做銷售助理，貨品銷量會好。
人工點計？
W：銷售助理唔屬於eBay員工，薪金係由請佢人負責，每個銷售助理人工都唔同，有人會以一個project計人工，亦有人以佣金方式計數，而我就定每件賣出與冇賣出貨都收$20做底薪，而賣出貨再收多25%。
5年前我開始eBay賣，以前正職做會計，月薪萬1蚊，上年9月決定辭工全力做網上買賣，係因為覺得網上拍賣每日做5至6個鐘搵錢都多過做會計。家我繼續賣自己加做銷售助理，淡季人工約萬5蚊，而暑假、聖誕、情人節等旺季月入達2萬3千蚊，而銷售助理收入約佔一半；只計銷售助理，平均月入過萬。
會用低價起標拍賣定buyitnow模式銷售？
W：拍賣之前要同個客講好會用咩方法拍賣件貨，例如衫同飾物就會用拍賣方法畀人去bid；絕版玩具、表等貴價貨就會用buyitnow定價去賣。而eBay拍賣價一定低過當地零售，假如我打算將貨品放澳洲、美國或歐洲等地區，就要先去當地市場調查網站做資料搜集，要先知道同類貨品市場價格，例如一件衫美國賣25蚊美金，由1蚊美金起標，售出價大約會係20蚊美金左右。售價未必好高，但對廠家講，貨過季即係冇用，所以即使賣價唔高佢都可以接受。
沒有留言:
發佈留言