）、）、甚至有人拍賣自己靈魂……有買有賣， eBay亦養起一班香港賣家：有打破難上車宿命的八十後、賺到千萬豪宅的錶界達人。轉眼 bid足十五年，絕對稱得上集體回憶，齊齊向始創者致敬。
回答提問同送貨全交由員工負責， Karon同 Daniel每月只上一次大陸搵新產品，工作極之悠閒。
05年︰大學畢業
06年︰於 eBay試賣中價眼影，同年二人齊齊全職做網上賣貨，並返大陸搵廠生產自家品牌。
07年︰全年純利達二十萬，並租下一千呎貨倉。
10年︰全年純利突破七位數字，改租三千呎貨倉。
八十後難上車，並非全部事實，關鍵在於有無計搵錢。 Karon同男友 Daniel，四年內靠網拍搵食，賺錢賺到隨時都買得起樓。大學畢業後做秘書的 Karon，自認儲埋一堆化妝心得，心諗單靠打份正職難發圍，於是嘗試去細商場搵中價眼影，放上網試賣。「用眼影不分皮膚性質，而且轉轉顏色，出來效果差好遠，所以每個女士平均都有三、四盒。」她說掛着香港人身份賣貨，歐美買家較有信心，「同歐美品牌的價錢比又平，反應出乎意料地好。」見網拍有得做， Karon同 Daniel先後辭去工作，全力返大陸搵廠生產，開創自家品牌化妝品。
歐美化妝品牌水準高、市場佔有率大，單憑價平，未必有勝算，所以 Karon針對用家心理下功夫。「知名品牌的眼影貴，一盒只有兩、三種顏色，我們以一半價錢，就可以買到一百八十隻色，可以試到更多效果，點可能不受歡迎？」 Daniel更搶着補充：「名牌眼影出得細細盒，只為俾女士帶出街補妝時 show off；我們雖然整到大大盒，但更方便買家在家中上妝，市場不同，並無直接競爭！」
網拍無實物，全靠睇相，尤其是化妝品，影得靚是增加瀏覽度的關鍵，所以 Daniel特登走去學影相，仲買齊全套專業架生。
賣貨提示
賣貨到外國有一定風險，特別是一些郵務易出事故的國家例如意大利，就經常發生郵包失竊。 Karon同 Daniel試得多，損失慘重，所以關島、馬爾他及一些較細的歐洲國家已被二人列入黑名單，絕不會再寄貨。
Derek Wong 39歲
97年︰在 eBay賣出第一隻 Omega錶
03年︰辭工全職投入網拍生意
05年︰開設古董錶鋪
10年︰平均每月純利達十萬
陳奕迅首《陀飛輪》，寫盡男人愛錶心態。同樣是愛錶之人的 Derek，只鍾情古董勞力士，「聽朋友講 eBay可以搵到好多古董，就開始日日上網『尋寶』。不過想買的錶愈來愈多，錢就愈來愈少，唯有狠心在 eBay賣出古董珍藏，套現再買另一隻，竟發現這條賺錢門路。」
○三年全職網拍，賺到錢，○五年更索性趁油麻地現時點商場開幕，租下一個面積細到轉身都難的小鋪位。「雖然鋪位細，人流又少，不過租金有數得計。」鋪內堆滿懷舊玩意，經 Derek介紹，先知件件都是寶。「這個五、六十年代勞力士註冊製造的測水壓儀器『 Fathometer』，○八年在一個拍賣會上估價八千至萬二美元（約 HK$62,000至 HK$93,000），我在 eBay只用五千美元（約 HK$39,000）就 bid到！」賣過眾多品牌手錶， Derek話勞力士始終最好賺，就連錶面一樣有價：「曾試過在 eBay用千幾蚊 bid一塊舊裝勞力士 GMT Master（ http://doubleredseadweller.com/gmt.htm）
錶面，轉頭放番上 eBay賣，竟然有位香港連鎖時裝店老闆用十一萬投得，第二日他的秘書就拎住一大袋現金來鋪頭交收。」
鋪頭除了增加生意， Derek說最重要是可以令客人心理上覺得較可靠。「始終古董錶買賣屬大錢銀交易，有間實鋪，客人會較放心，試過有新加坡客人來港買錶後，再上 eBay幫襯我，一次過買入廿萬古董錶，而且仲介紹俾朋友，大大增加收入。」開鋪愈賺愈多， Derek上年仲買入價值千萬的君頤峰，俾老婆同兩個囡囡一個「五星級的家」。
鋪面擺滿勞力士珍藏，由招牌到錶盒都有。
賣貨提示
好多賣家怕用 PayPal蝕交易費同匯率差價， Derek就大唱反調，說蝕少少卻有助建立良好財政狀況；因為他去年買樓時，起初擔心網拍生意難以令銀行批出按揭，誰知銀行見他每月都有一大筆錢從 PayPal（ http://www.paypal-marketing.com.hk）存入銀行，視為收入來源，結果成功批核按揭。
全文在些 http://hk.next.nextmedia.com/template/next/art_main.php?iss_id=1069&sec_id=13724901&art_id=14401638
沒有留言:
發佈留言